"Барселона" устози Ханс-Дитер Флик матбуот анжуманида журналистлар қаршисида чиқиш қилди. Немис мутахассисидан вингер Ламин Ямал билан ишлаш жараёни ҳақида сўрашди.

"Ямал? Мен ундан жуда мамнунман. У сезиларли даражада ўсишга эришди. Энг муҳими — у футболдан завқ олмоқда. Бизга айнан шу керак. У бор эътиборини ўйинга қаратган. Биз унга ёрдам беряпмиз. Унинг даражаси — ақл бовар қилмас. Шу билан бирга, унда яқин йиллар ичида намоён эта олиши мумкин бўлган улкан салоҳият мавжуд", — деди Флик.

Жорий мавсумда Ламин Ямал 29 та ўйин ўтказиб, уларда 14 та гол урди ва шерикларига 13 та голли узатмани амалга оширди.