"Челси"нинг собиқ қанот ҳужумчиси Эден Азар Англия премьер-лигасида энг кам баҳоланган футболчи ҳақидаги саволга жавоб берди.
"Бу яхши савол. Биласизми, "Челси" мухлиси сифатида айтаманки, бу Мойсес Кайседо. Ўйлашимча, у ҳозирда Премьер-лиганинг энг яхши футболчиси ҳамдир", - деди Азар Goal нашрига берган интервьюсида.
Таянч ярим ҳимоячиси 2023 йилнинг ёзида "Брайтон"дан Лондон клубига ўтганди. Жорий мавсумда эквадорлик футболчи барча мусобақаларда 31 та ўйинда майдонга тушиб, 5 та гол ва 1 та голли узатмага муаллифлик қилди.
Футболчининг клуб билан амалдаги меҳнат шартномаси 2031 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 110 млн еврони ташкил этади.
