«Барселона» бош мураббийи Ханс-Дитер Флик жамоа ҳимоячиси Рональд Араухо ҳақида ўз фикрларини билдириб ўтди.

"Рональд Араухонинг тана тузилиши бошқа футболчилардан фарқ қилади. Яккакурашларда у — юқори даражадаги ўйинчи. У сардорлардан бири, демак, жамоа етакчиларидан бири бўлиши керак, мен ундан айнан шуни кутяпман", — дея Фликнинг сўзларини келтирмоқда журналист Фабрицио Романо.

Жорий мавсумда 26 ёшли уругвайлик футболчи барча турнирларда 20 та ўйинда майдонга тушиб, учта гол уришга муваффақ бўлди.