"Ливерпуль" ҳужумчиси Муҳаммад Салоҳ фаолиятини Саудия Арабистонида давом эттириши мумкин.
A Bola нашрининг хабарига кўра, "Ал-Иттиҳод" мисрлик футболчини ўз сафига қўшиб олишдан манфаатдор. Жамоа ҳужумчини "Ал-Ҳилол"га ўтиб кетган Карим Бенземанинг ўрнига муносиб номзод сифатида кўрмоқда. Муҳаммад Салоҳ "Ал-Иттиҳод" учун ёзги трансфер бозоридаги асосий нишонга айланган.
Муҳаммад Салоҳ 2017 йилда "Рома"дан 42 миллион евро эвазига "Ливерпуль"га ўтган эди. Унинг инглиз клуби билан шартномаси 2027 йилнинг 30 июнига қадар мўлжалланган. Жорий мавсумда ҳужумчи "қизиллар" сафида барча мусобақаларда 24 та ўйинда майдонга тушиб, 6 та гол урди ва 6 та голли узатмани амалга оширди. Transfermarkt портали Салоҳнинг қийматини 30 миллион еврога баҳоламоқда.
