«Тоттенхэм» бош мураббийи Томас Франк жамоа ҳимоячиси Кристиан Ромеронинг навбатдаги қизил карточкаси борасида ўз фикрлари билан ўртоқлашди.

Англия чемпионатининг 25-туридан ўрин олган баҳсда «Тоттенхэм» сафарда «Манчестер Юнайтед»га 0:2 ҳисобида имкониятни бой берди. Ромеро «шпорлар»нинг асосий таркибида майдонга тушди, бироқ 29-дақиқадаёқ жамоасини бир киши кам бўлиб қолишига сабаб бўлди.

«Уни сардор этиб тайинлаганимдан асло афсусланмайман. У кийиниш хонасида жамоадошларидан узр сўради. Мен уни «Тоттенхэм»нинг энг муҳим ўйинчиларидан бири деб ҳисоблайман», — дея Франкнинг сўзларини келтиради журналист Фабрицио Романо.

Ҳозирги вақтда «Тоттенхэм» Премьер-лига турнир жадвалида 14-ўринни эгаллаб турибди. Лондон жамоаси ҳисобида 29 очко мавжуд.