Каталониянинг "Барселона" клуби 7 февраль, шанба куни Суперлигани тарк этди. Touchline аккаунти хабарига кўра, "кўк-анорранглилар"нинг қарори "Реал" президенти Флорентино Переснинг ғазабига сабаб бўлган.
"Қироллик клуби" раҳбари каталонияликлар президенти Жоан Лапортанинг бу ҳаракатини хиёнат деб ҳисобламоқда. "Барселона" лойиҳадан чиққанидан сўнг, "Реал" Суперлигани яратиш тарафдори бўлган ягона клуб бўлиб қолди.
Испания Ла Лигаси турнир жадвалида "кўк-анорранглилар" 58 очко билан биринчи ўринни эгаллаб турибди. "Реал" (54) иккинчи ўринда бормоқда, аммо битта захира учрашуви бор.
