"Атлетик"нинг 13 ёшли тарбияланувчиси Лоуренс Осаянде Мадриднинг "Реал" клубига ўтмоқда. АS нашрининг хабар беришича, умидли футболчининг оиласи ёзда Испания пойтахтига кўчиб ўтади.
Таъкидлаш керакки, вундеркиндни "Атлетик" юлдузи Нико Уильямсга қиёслашади. Охирги пайтларда Осаянде "Сантуҳу" ёшлар жамоасида ўйнаган. Жорий мавсумнинг биринчи қисмида у 12 та гол урди.
Испания Ла Лигасининг жорий мавсумида "қироллик клуби" 54 очко билан мусобақа жадвалида 2-ўринни эгаллаб турибди. "Реал" пешқадам Каталониянинг "Барселона"сидан 4 очко ортда қолмоқда. Кейинги турда "қаймоқранглилар" сафарда "Валенсия" билан куч синашади.
