"ПСЖ" клуби маслаҳатчиси Луиш Кампуш парижликлар футболчилари клубни ҳамма нарсадан устун қўйишларини айтди.
- "ПСЖ" олтита соврин ва кўплаб индивидуал мукофотлар, жумладан, "Олтин тўп"ни қўлга киритиб, 2024/25-йилги мавсумни рекорд даражада якунлади. Бундай йилдан кейин жамоанинг мотивациясини қандай сақлаб қолиш мумкин?
"Бу жуда оддий: ушбу клубга ва ушбу лойиҳа устида ишлашга бўлган иштиёқ орқали. Футболчининг қалби энди "ПСЖ"га тегишли эмаслигини ҳис қилганимизда, у кетиши керак.
Ўйин завқи бизнинг лойиҳамизнинг асосини ташкил этади. Агар футболчи ҳар куни машғулотларга келиш, "Парк де Пренс"да ўйнаш, мухлисларимиз билан саломлашиш истагини йўқотса - бу биз ҳам таъсир кўрсатган муҳим жиҳат - ўз клуби ва шаҳри билан боғлиқликни ҳис қилса, бошқа жой излаши керак.
Биз клуб учун ўзини қурбон қилишга тайёр бўлган жамоани яратдик. Яъни, улар "ПСЖ" манфаатларини ҳамма нарсадан устун қўйиш учун азият чекишга қарши эмас. Айнан шундай менталитет билан бу ҳаётда ғалаба қозонишади", - деди Кампуш.
