Мадриднинг «Реал» клуби Ла Лиганинг 23-тури доирасида кечган баҳсда «Валенсия»ни мағлуб этди (2:0). Альваро Арбелоа жамоаси «кўршапалаклар»га қарши сафар ўйинида Альваро Каррерас ва Килиан Мбаппе томонидан 65 ва 91-дақиқаларда киритилган голлар эвазига уч очкони қўлга киритди.

«Месталья»да «Валенсия»га қарши ўйнаш стоматолог қабулига бориш билан баробар. Бу стадионда ҳаракат қилиш жуда оғир — «Валенсия» «Реал»га қарши доим ўзгача иштиёқ билан тушади. Назаримда, охирги 11 йил ичида биз бу ерда бор-йўғи уч марта ғалаба қозонган эдик. Бу гал ҳам осон бўлмади, лекин футболчилар сабр-тоқат ва фидоийлик кўрсатишди, бунинг учун эса якунда муносиб тақдирланишди», — деди Арбелоа матбуот анжуманида.