«Барселона» президенти Жоан Лапорта жамоа бош мураббийи Ханс-Дитер Фликнинг муваффақиятлари ҳақида ўз фикрлари билан ўртоқлашди.
Германиялик мутахассис 2024 йилнинг ёзида Хави Эрнандеснинг ўрнини эгаллаб, ушбу лавозимга тайинланган эди. Ўшандан бери «Барселона» ички аренада тўртта совринни қўлга киритишга улгурди, Чемпионлар Лигасида эса ярим финалга қадар етиб борди.
"Флик спорт директори Деку билан жуда яхши тил топишиб ишламоқда. Улар ўртасидаги «кимё» — лойиҳамиз муваффақиятининг гаровидир. Хансини таклиф қила туриб, биз жамоа тепасида «Барселона» ўзлигини тушунадиган, тартибли ва амбицияли мутахассисни кўришни истаган эдик ва у илк кунларданёқ кутганларимизни тўлиқ оқлади"", — деди Лапорта.
Ханс-Дитер Фликнинг «кўк-анорранглилар» билан амалдаги шартномаси 2027 йилнинг ёзига қадар мўлжалланган.













