Мюнхеннинг «Бавария» клуби сафида Бундеслигада тўп сураётган франциялик вингер Майкл Олиседа Англия Премьер-лигасига кўчиб ўтиш вариантлари пайдо бўлди. Бу ҳақда инсайдер Экрем Конур ижтимоий тармоқлар орқали хабар бермоқда.

Журналистнинг маълумотига кўра, Лондоннинг «Челси» ва «Манчестер Сити» клублари қимматбаҳо футболчини ўз сафига қўшиб олмоқчи. Ҳар икки клуб ёзги трансфер ойнасида Олисе учун курашишга тайёр. Агар футболчи учун тахминан 150 миллион евро таклиф қилинса, «Бавария» франциялик билан хайрлашиши мумкин.

Олисенинг Германия гранди билан тузган меҳнат шартномаси 2029 йилнинг ўрталарига қадар амал қилади.

Жорий Бундеслига мавсумида 24 ёшли вингер 21 та учрашув ўтказиб, ўз ҳисобига 10 та гол ва 16 та голли узатмани ёздириб қўйди.