"Реал" ҳимоячиси Альваро Каррерас "Валенсия" билан ўйинда ҳисобни очувчи гол муаллифига айланди. Футболчи ўйиндан кейин аниқ зарбаси ҳақида гапирди.

"Ҳеч иккиланмай жарима майдонига ёриб кирдим, бўш ҳудудни кўриб қолдим ва зарба бердим. Хайриятки, тўп дарвозага бориб тушди.

Майдонга тушганимда биринчи навбатда жамоани ўйлайман. Менинг асосий вазифам - дарвозамизни ҳимоя қилиш ва сақлаб қолиш. Агар олдинда ёрдам бериш имконияти туғилса - мен жамоа учун боримни бераман.

"Месталья" каби стадионларда ғалаба қозониш жуда қийин. Ўйин осон бўлмаслигини билардик: рақиб прессинг қилмоқда, уларга очко керак. Аммо биз муваффақиятли сафарлар сериясини давом эттириш учун ғалаба учун келдик ва бу биз учун жуда муҳим", деди футболчи.