"МЮ"нинг Франк исмли мухлиси 2024 йил октябрь ойидан бери сочини олдирмаган.

У тажриба ўтказишга қарор қилди - севимли "Манчестер Юнайтед" клуби кетма-кет бешта ўйинда ғалаба қозонмагунча сочини олдирмайди.

Ўшандан бери бундай серия бошқа такрорланмади ва энди интернетда машҳур бўлиб кетган Франк сочини олиши мумкин - "Қизил иблислар" кетма-кет тўртта ўйинда ғалаба қозонишди.

"Вест Хэм"га қарши сафар ўйинидан олдин бўлиб ўтган матбуот анжуманида "Манчестер Юнайтед" бош мураббийи Майкл Кэррикдан бу воқеа ҳақида билиши сўрашди.

"Мен бундан хабардорман. Фарзандларим аллақачон менга бу ҳақда айтиб беришди.

Нима бўлаётганини тушунаман. Бу мени табассум қилишга мажбур қилади, лекин охир-оқибат натижага таъсир қилмайди", деди Кэррик журналистларга.