Лондоннинг "Челси", Мадриднинг "Реал" ва "Манчестер Юнайтед" клублари собиқ бош мураббийи Жозе Моуринью миллий терма жамоа миқёсида иш бошлаши мумкин. Бу ҳақда "ESPN" нашри хабар бермоқда.
Манбанинг маълумотларига кўра, "Махсус" (The Special One) лақабли мураббийни таклиф қилишга Португалия терма жамоаси қизиқиш билдирмоқда. Моуринью жамоа тепасида жорий йилнинг июль ойи охирида шартномаси якунига етадиган Роберто Мартинеснинг ўрнини эгаллаши мумкин.
Ҳозирги вақтда 63 ёшли Жозе "Бенфика" клубини бошқармоқда. Унинг жамоа билан шартномаси келгуси йилнинг ўрталарига қадар амал қилади.
Эслатиб ўтамиз, Португалия терма жамоаси шу ёзда Шимолий Америкада бўлиб ўтадиган Жаҳон чемпионати – 2026 йўлланмасини қўлга киритган.
