«Милан»нинг француз ҳужумчиси Кристофер Нкунку ўзининг 40 ёшли юлдуз жамоадоши — хорватиялик Лука Модрич ҳақида фикр билдирди.
«Модрич — ноёб ва ақл бовар қилмайдиган футболчи. Унинг оёқ ташқи қисми (тривела) билан берадиган узатмалари шунчаки ҳайратланарли. Агар мен жуда қаттиқ ҳаракат қилсам ҳам, буни унингдек уддалай олмайман. Менимча, у 45 ёшгача ўйнаши мумкин», — дея «Gazzetta dello Sport» ҳужумчининг сўзларини келтиради.
Модрич ўтган йилнинг ёзида мадридлик «Реал»дан Милан клубига ўтган эди. Тажрибали хавбек «россонерилар» билан бир йиллик меҳнат шартномасини имзолаган.
А Сериянинг жорий мавсумида хорватиялик футболчи 22 та учрашувда майдонга тушиб, ўз ҳисобига битта гол ва учта голли узатмани ёздириб қўйди.
