Аргентина терма жамоаси ва Лондоннинг "Тоттенхэм" клуби марказий ҳимоячиси Кристиан Ромеро Испания грандига кўчиб ўтиши мумкин, деб хабар бермоқда Mundo Deportivo журналистлари.
Манбага кўра, футболчининг хизматларига Мадриднинг "Реал" клуби қизиқиш билдирмоқда. "Қаймоқранглилар" ёзги трансферлар даврида футболчини ўз сафига қўшиб олишга уриниб кўриши мумкин. Шунингдек, Ромерога Каталониянинг "Барселона" ва Мадриднинг "Атлетико" клублари ҳам қизиқиш билдирмоқда.
27 ёшли ҳимоячи 2022 йилнинг августидан бери лондонликлар шарафини ҳимоя қилмоқда. Унинг меҳнат шартномаси 2029 йилнинг ярмигача мўлжалланган. Ромеронинг бозор нархи 60 миллион еврога баҳоланмоқда.













