Канада терма жамоаси устози Жесси Марш Италиянинг "Милан" клуби мухлиси эканини тан олди. У Италия футболи дунёда энг яхши деб ҳисобланган болалигидаёқ унга мухлислик қилишни бошлаган.
"Кичкиналигимда Италия футболини томоша қилиб, "Милан" ўйинини севиб қолганман. Бу ерда, Торонтода эса, бунинг устига, кўплаб италияликлар яшайди. Агар Италия терма жамоаси жаҳон чемпионатига йўл олса, ўз ўйинларини айнан шу ерда ўтказгани маъқул", - дея Маршнинг сўзларини келтиради pianetamilan.it.
Айни дамда "Милан" А Серия турнир жадвалида 2-ўринда бормоқда.













