"Челси" чап қанот ҳимоячиси Марк Кукурелья Премьер-лига доирасидаги "Лидс"га қарши ўйиннинг (2:2) танаффус пайтида алмаштирилди.
Испаниялик футболчининг ўрнини майдонда Йоррель Хато эгаллади. Учрашув якунлангач, журналистлар Кукурелья билан нима содир бўлгани ҳақида сўрашди.
"Танаффусда Марк тизза ости пайларида ноқулайлик ҳис қилди. Тез орада у тиббий кўрикдан ўтади. Кейинги ўйингача у билан ҳаммаси жойида бўлишига умид қиламиз", — дея "кўклар" бош мураббийи Лиам Росеньорнинг сўзларини журналист Фабрицио Романо келтирмоқда.
Жума куни, 13 февраль санасида "Челси" Англия Кубоги чорак финали доирасида сафарда "Халл Сити"га қарши майдонга тушади. 21 февраль куни эса АПЛнинг навбатдаги турида ўз уйида "Бёрнли"ни қабул қилади.
