"Манчестер Юнайтед"нинг собиқ футболчиси Пол Скоулз "Тоттенхэм" марказий ҳимоячиси Кристиан Ромерони ўз жамоасида кўришни исташини тан олди.
Кўплаб миш-мишларга кўра, аргентиналик футболчи ёзда жамоадан кетиш ниятида. Жорий мавсум давомида "шпорлар"нинг 27 ёшли сардори ўз клуби раҳбариятини танқид қилиб келган.
"Менга Ромеро ёқади. Унинг ўйинини кузатиш завқли. У "Тоттенхэм"дан ғазабланган, шундай эмасми? У ерда ўйнашни истамаяпти. У мухлисларга, клуб раҳбариятига қарши чиқмоқда ва менимча, у бироз "ақлдан озган". Лекин мен уни "Манчестер Юнайтед"да жон деб кўрган бўлардим. Унда характер бор", — дея инглиз ОАВлари Скоулзнинг сўзларини келтирмоқда.
Аввалроқ Кристиан Ромеро учун асосий даъвогар сифатида Мадриднинг "Атлетико" клуби тилга олинган эди. "Transfermarkt" порталида жаҳон чемпионининг нархи 60 миллион евро этиб белгиланган.
