«Ювентус» марказий ҳимоячи Пьер Калюлю билан хайрлашишни истамаяпти. Журналист Николо Скиранинг хабар беришича, 25 ёшли футболчига Англия Премьер-лигасининг номи ошкор этилмаган «етакчи клубларидан бири» қизиқиш билдирган.
«Кекса синьора» раҳбариятининг режалари жуда аниқ: француз футболчисини сотиш нияти йўқ ва унга маоши оширилган, 2030 йилгача мўлжалланган янги шартнома таклиф қилишга тайёр.
Пьер Калюлю 2024 йилнинг ёзида «Милан»дан «Ювентус»га ўтган эди. Ўтган ойда ҳимоянинг қанотида ҳам ўйнай оладиган ушбу марказий ҳимоячини ОАВ «Манчестер Юнайтед» билан боғлаган эди, бироқ ўшанда вазият аниқ таклифгача етиб бормаганди.
