«Борнмут» марказий ҳимоячиси Маркос Сенеси Лондоннинг «Тоттенхэм» клуби қизиқишлари доирасига тушди. Бу ҳақда инсайдер Маттео Моретто ўзининг ижтимоий тармоқлари орқали хабар берди.
Журналистнинг маълумотларига кўра, «шпорлар» ҳимоя чизиғини кучайтириш учун аргентиналик футболчи номзодини кўриб чиқмоқда. Айни дамда клуб марказий ҳимоячи позицияси учун янги ўйинчи қидирмоқда.
28 ёшли Маркос Сенеси 2022 йилнинг августидан буён «Борнмут» шарафини ҳимоя қилиб келмоқда. Унинг жамоа билан амалдаги шартномаси 2026 йилнинг июнь ойигача мўлжалланган. Ҳимоячининг бозор қиймати 22 миллион еврога баҳоланмоқда.
Жорий мавсумда Сенеси Англия Премьер-лигасида 25 та учрашувда майдонга тушиб, ўз ҳисобига 4 та голли узатмани ёздириб қўйди ва 7 та сариқ карточка олди.
