«ПСЖ» раҳбари Носир Ал-Хелайфий Мадриднинг «Реал» клуби ва УЕФА ўртасида Европа Суперлигаси лойиҳаси бўйича юзага келган келишувга ўз муносабатини билдирди.
"Бундан жуда хурсандман. Ушбу келишув учун ҳар икки томонга миннатдорчилик билдираман. УЕФА раҳбари Чеферин ва «Реал» президенти Флорентино Пересга раҳмат. Агар кимдир Перес ютқазди деб айтмоқчи бўлса, у футболни тушунмайдиган аҳмоқ бўлади. Ҳозир барчамиз ютдик, мағлублар йўқ", - дея раҳбарнинг сўзларини келтирмоқда «Marca» газетаси.
Эслатиб ўтамиз, яқинда Каталониянинг «Барселона» клуби Суперлигадан чиққанини эълон қилган эди.
