Австрия футбол федерацияси 2026 йилги Жаҳон чемпионати олдидан «Боруссия Дортмунд» ярим ҳимоячиси Карни Чуквуэмекага Австрия фуқаролигини бериш устида фаол иш олиб бормоқда.
22 ёшли футболчи илгари Англиянинг U19 ва U20 терма жамоаларида ўйнаган ва 2022 йилги Европа чемпионига айланган эди. Бироқ у Англиянинг асосий терма жамоасида ҳали дебют қилмаган, бу эса унга ФИФА қоидаларига кўра спорт фуқаролигини ўзгартириш имконини беради.
Чуквуэмека Австриянинг Айзенштадт шаҳрида нигериялик оилада туғилган. Кейинчалик у Нортгемптонга кўчиб ўтган ва Британия фуқаролигини олиш жараёнида Австрия фуқаролигидан воз кечган. Эндиликда у вояга етмаган пайтида қабул қилинган бу қарорни бекор қилиб, Австрия паспортини қайта тиклаши мумкин.
«The Athletic» нашрининг хабарига кўра, Ральф Рангник бошчилигидаги Австрия терма жамоаси футболчининг ЖЧ-2026да иштирок этиши учун барча ҳужжатларни расмийлаштиришга ҳаракат қилмоқда. Эслатиб ўтамиз, Австрия Жаҳон чемпионати гуруҳ босқичида Аргентина, Иордания ва Жазоир билан тўқнаш келади.
