«Пари Сен-Жермен» Мадриднинг «Реал» клуби вингери Родригога қизиқиш билдирмоқда.«Пари Сен-Жермен» Мадриднинг «Реал» клуби вингери Родригога қизиқиш билдирмоқда. Бразилиялик футболчини жамоада кўришни шахсан парижликлар устози Луис Энрике хоҳламоқда.

Бироқ, «Transfer News Live»нинг «Defensa Central»га таяниб хабар беришича, «қаймоқранглилар» футболчини сотиш ниятида эмаслар. Агар «ПСЖ» битимга ўз ярим ҳимоячиси Витиньяни қўшмаса, мадридликлар ҳатто музокараларни ҳам бошлашмайди. Бундай алмашинув — Лига 1 гранди учун келаётган ёзда Родригони қўлга киритишнинг ягона имкониятидир.

Витинья «Реал»нинг анчадан бери кузатувида бўлган трансфер мақсади ҳисобланади. «Transfermarkt» порталида португалиялик футболчининг нархи 110 млн евро, Родриго эса шу сайт экспертлари томонидан 60 млн еврога баҳоланган.