Англия футболида 26-тур якунланди. Лондоннинг «Арсенал» клуби «Манчестер Сити» билан орадаги олти очколик фарқни тиклаш учун яхши имкониятга эга эди, бироқ «Брентфорд» билан ўйинда ғалабани қўлдан чиқарди. Клубнинг собиқ футболчиси Мартин Киоуннинг фикрича, «Арсенал» ғалаба учун етарлича иштиёқ билан тушмаган.

«Арсенал» ўзининг энг яхши ўйинини кўрсата олмади. Аммо бир очкони қўлга киритди. Менимча, улар мағлубиятдан қутулиб қолишди. Ғалаба барча учун кучли сигнал бўлиши мумкин эди, лекин «Арсенал», назаримда, бу ерга ғалаба ҳақида ўйламасдан келгандек туюлди», — дея Киоуннинг сўзларидан иқтибос келтиради «BBC Sport».

«Арсенал»нинг «Манчестер Сити»дан устунлиги тўрт очкогача қисқарди.