Англия футболида 26-тур якунланди, «Брентфорд» ўз майдонида «Арсенал»ни мағлуб эта олмади — жамоалар 1:1 ҳисобида дуранг ўйнашди. «Асаларилар» устози Кит Эндрюс учрашув якунлари ҳақида тўхталиб, ўз шогирдларининг ишончли ҳаракатларини юқори баҳолади.

"Биз ғалаба қозона олмадик, лекин топ-клубга қарши ўйинда барча жиҳатлар бўйича ажойиб ҳаракат қилдик. Ишга бўлган муносабат, фидойилик — буларнинг барчасидан жуда мамнунман. Жамоа бутун ўйин давомида ижобий кайфиятда бўлди", — дея Кит Эндрюснинг сўзларини келтиради «BBC Sport».

Натижада «Брентфорд» айни дамда Англия Премьер-лигаси турнир жадвалида юқори — еттинчи ўринни эгаллаб турибди.