"Манчестер Сити" бош мураббийи Хосеп Гвардиола Англия Кубоги доирасидаги сафар ўйинлари ҳақидаги хотиралари билан ўртоқлашди.
Испаниялик мутахассиснинг сўзларига кўра, бу лаҳзалар унинг ёдида абадий қолади. Гвардиола Англияда ўн йилдан бери фаолият юритмоқда.
"Стадионга келганингда, барча мухлислар сени ўраб олиб: "Сиз кимсиз?! Сиз кимсиз?!" деб бақиришади", — дея Гвардиоланинг сўзларидан иқтибос келтиради Фабрицио Романо.
Испаниялик мураббий қўл остидаги "шаҳарликлар" 26 турдан сўнг 53 очко билан АПЛ турнир жадвалида иккинчи ўринни эгаллаб турибди.
Мамлакат Кубогида "Сити"ни "Солфорд Сити"га қарши ўз майдонидаги баҳс кутмоқда. Ўйин 14 февраль куни Тошкент вақти билан соат 20:00 да бошланади.













