"Реал" ярим ҳимоячиси Федерико Вальверде клубнинг мураккаб даври ҳақида ўз фикрлари билан ўртоқлашди.
— Сўнгги ҳафталарда биз анча қийналдик. Аммо бу бизга ҳам шахс сифатида, ҳам жамоа сифатида ўсишга ёрдам берди, — дея Вальверденинг сўзларини келтирмоқда "The Touchline".
Испания Ла Лигасининг 24-турида Мадриднинг "Реал" клуби ўз майдонида "Реал Сосьедад"ни 4:1 ҳисобида мағлуб этди. Вальверде голлардан бирига муаллифлик қилди.
Ушбу натижа "Реал"га 60 очко жамғарган ҳолда турнир жадвалида пешқадамликни қўлга киритиш имконини берди. Бироқ иккинчи ўринда бораётган "Барселона"да (58 очко) захира ўйини мавжуд.
Испания чемпионатининг навбатдаги турида "қаймоқранглилар" сафарда "Осасуна" билан тўқнаш келишади.
