Мадриднинг "Реал" клуби ярим ҳимоячиси Федерико Вальверде "Сантьяго Бернабеу"даги мухлисларнинг ҳуштакбозлиги ҳақида ўз фикрларини билдирди.
Сўнгги ойларда "қаймоқранглилар" ишқибозлари ўз жамоаларини тез-тез ҳуштакбозлик билан кутиб олишмоқда. Мадридликларнинг ғалабаси билан якунланган "Реал Сосьедад"га қарши ўйиндан сўнг (4:1), журналистлар Вальвердедан мухлисларнинг бундай хатти-ҳаракатига изоҳ беришини сўрашди.
"Бернабеу" аҳли бизни ҳуштакбозлик қилишга тўла ҳақли. Баъзида мухлислар бизга шу йўл билан бироз босим ўтказишлари керак ҳам", — дея "Madrid Xtra" ярим ҳимоячининг сўзларини келтирмоқда.
Федерико Вальверде шанба кунги баҳсда Альваро Арбелоа жамоасининг учинчи голига муаллифлик қилди.













