Миланнинг "Интер" клуби ҳимоячиси Янн-Аурель Биссекк А Серия доирасида "Ювентус" устидан қозонилган ғалабадан сўнг (3:2) интервью берди.
"Нерадзуррилар" иккинчи бўлим давомида бир киши кўп бўлиб ўйнаб, баҳс якунида рақибни таслим этишга муваффақ бўлишди.
"Энди одамлар бизни тўғридан-тўғри рақобатчиларни мағлуб эта олмайди, деб гапиришни тўхтатишади. Бу гапларни доимий равишда эшитиш анча ёқимсиз эди. Биз олдинга интилишимиз ва келажакка эътибор қаратишимиз лозим. Ўйинимиз ҳали идеал даражада бўлмаса-да, бу жуда муҳим ғалаба", — деди Биссекк "DAZN" билан суҳбатда.
"Интер" турнир жадвалида пешқадамлик қилмоқда ва "Милан"дан саккиз очко олдинда бормоқда, бироқ "россонерилар" ихтиёрида битта захира ўйини мавжуд.
