Мадриднинг "Реал" клуби бош мураббийи Альваро Арбелоа Чемпионлар лигаси доирасидаги "Бенфика"га қарши бўлажак ўйин борасида ўз фикрлари билан ўртоқлашди.
"Биз Лиссабонда ажойиб ўйин кўрсатишимиз шарт. Бу жуда қийин бўлишини биламиз. Ғалаба қозониш учун сешанба куни бор кучимизни ишга солишимиз лозим", — дея Арбелоанинг сўзларини келтирмоқда "The Touchline".
Эслатиб ўтамиз, Чемпионлар лигаси умумий босқичининг сўнгги турида "Реал" сафарда "Бенфика"га 2:4 ҳисобида имкониятни бой берган эди ва бу натижа Португалия клубига плей-оффга йўл олишига имкон берганди.
Чемпионлар лигаси плей-офф босқичи ўтиш раунди доирасидаги "Бенфика" ва "Реал" ўртасидаги илк учрашув 17 февраль куни бўлиб ўтади. Ўйин Тошкент вақти билан 18 февралга ўтар кечаси соат 01:00 да бошланади.
