«Реал» ҳужумчиси Килиан Мбаппе «Бенфика»га қарши ўйинда майдонга тушиши мумкин.

Франциялик юлдуз Ла Лиганинг шанба кунги «Реал Сосьедад»га қарши баҳсини (4:1) ўтказиб юборган эди. Аввалроқ Мбаппе декабрь ойи охирида олган жароҳати сабабли тиззасида ноқулайлик ҳис қилаётгани хабар қилинганди.

Marca нашрининг ёзишича, бугунги машғулотларда Мбаппе умумий гуруҳда иштирок этган. «Сосьедад» билан ўйинда қатнашган футболчилар эса тикланиш машқларини бажаришди; кечаги баҳсда ҳеч ким жароҳат олмаган.

Шунингдек, сешанба куни Чемпионлар лигаси доирасидаги «Бенфика»га қарши ўйинда жароҳатидан тикланишда давом этаётган Жуд Беллингем, Эдер Милитао ва Родриго аниқ майдонга тушмаслиги хабар қилинмоқда.