«Барселона» бош мураббийи Ханс-Дитер Флик марказий ҳимоячи Рональд Араухонинг машғулотлардаги ишидан ҳайратда.
Уругвайлик футболчик руҳий муаммолар сабабли бир ойдан ортиқ вақтни ўтказиб юборди — у сафга фақат январь ойида қайтди. Diario Sport нашрининг хабар беришича, германиялик мутахассис Араухонинг машғулотлардаги сифатидан жуда мамнун. Мураббийнинг фикрича, 26 ёшли футболчининг қобилиятлари мавсумнинг ҳал қилувчи қисмидаги муҳим ўйинларда жамоага жуда асқотади. «Барселона»да футболчига иложи борича тезроқ оптимал формага киришига ёрдам беришдан умид қилишмоқда.
Душанба куни «кўк-анорранглилар» Ла Лиганинг 24-тури доирасида сафарда «Жирона»га қарши майдонга тушишади.
