Душанба куни «Барселона» Ла Лига доирасида «Жирона»га қарши сафар ўйинини ўтказади. Каталония дербисида «кўк-анорранглилар»нинг ўнг қанот ҳимоячиси Жюль Кундега дам берилиши мумкин: Diario Sport нашрининг хабарига кўра, бош мураббий Ханс-Дитер Флик француз футболчисини бўлажак баҳслар учун асраб қолмоқчи, шу сабабли унинг яқинлашиб келаётган ўйинда асосий таркибда майдонга тушмаслик эҳтимоли юқори. Ўйин Тошкент вақти билан тунги соат 01:00 да бошланади.
Жюль Кунде аксарият ҳолларда «Барселона»нинг асосий таркибида майдонга тушади. 27 ёшли футболчи жорий мавсумдаги 36 та учрашувда учта гол ва иккита голли узатмани ўз ҳисобига ёздириб қўйган.
