"Интер" ҳимоячиси Алессандро Бастони "Ювентус"га қарши ўйинда (3:2) симуляция қилгани учун жазоланмайди.

42-дақиқада Калюлю Фабио Миреттининг ноаниқ узатмасидан кейин Алессандро Бастонининг оёғига зарба беришига бир бахя қолди. "Нерадзуррилар" футболчиси симуляция қилиб, майсазорга йиқилди, бош ҳакам Федерико Ла Пенна эса "Ювентус" ҳимоячисига иккинчи сариқ карточкани кўрсатди.

Учрашувдан сўнг А Серия ҳакамлар корпуси раҳбари Жанлука Рокки ҳакамнинг хатосини тан олди.

Football Italia нашрининг хабар беришича, Бастони Калюлю билан боғлиқ эпизодда ўзини тутгани учун жазога тортилмайди. Италия футбол федерацияси (FIGC) Спорт одил судлови кодексининг 61-моддасига кўра, агар "Интер" ҳимоячисининг хатти-ҳаракатлари Калюлюнинг тўғридан-тўғри қизил карточкасига олиб келган бўлса, расмийлар воқеани телевизион кадрлардан фойдаланган ҳолда кўриб чиқишлари мумкин эди.