«Барселона» клуби афсонаси Жерар Пике Ла Лигадаги рақибларнинг «кўк-анорранглилар»га қарши ўйинлардаги иштиёқи ҳақида гапирди. Унинг фикрича, жамоаларнинг «Барса»га қарши муносабати бошқа ўйинлардан кескин фарқ қилади.

«Бу кулгили, чунки оддий ўйинларда жамоаларнинг ютқазаётганини кўрасан — масалан, «Атлетико Мадрид» «Райо Вальекано»га ютқазади… лекин улар «Барселона»га қарши ўйнаганда бирданига ҳаммаси худди Чемпионлар Лигаси финалидек бўлиб кетади.

Ҳар бир тўқнашув — гўёки ҳаёт-мамот масаласи. Ҳар бир дуэль — финалнинг сўнгги дақиқасидек. Улар «Барса»га қарши 200 фоиз куч билан югуришади.

Бу мавсум айниқса, ҳар бир жамоа бизга қарши ўйинни худди ўзининг ЕЧЛ финалидек қабул қилмоқда. Бу ростдан ҳам ғалати. Ҳақиқат шу — «Барселона»га қарши майдонга тушганингда, шунчаки навбатдаги ўйинни эмас… мавсумингдаги энг муҳим ўйинни ўйнайсан», — дейди Пике.