«Жирона» бош мураббийи Мичел «Барселона»нинг Копа дель Рейдаги муваффақиятсизлиги бўлажак ўйинга қандай таъсир қилиши мумкинлиги ҳақида гапирди.
Мутахассиснинг фикрича, бундай натижа рақибнинг кучига ва мақсадларига таъсир ўтказмайди.
«Катта жамоалар ҳар доим ҳар бир ўйинни ғалаба қозониш нияти ва ишончи билан ўйнайди, акс ҳолда улар учун қийин ҳафта бўлади. Охирги натижа ҳеч нарсани ўзгартирмайди, улар етакчиликни сақлаш учун ғалаба қозонишлари керак. Мағлубиятдан кейин ҳам шундай бўлади ва мен доимо энг яхши ва одатдаги «Барса»ни кутаман», — деди Мичел.
