«Реал» ҳужумчиси Килиан Мбаппе ҳали ҳам тиззасидаги оғриқдан азият чекмоқда.

Франциялик футболчи Ла Лига доирасида шанба куни бўлиб ўтган «Реал Сосьедад»га қарши ўйинни (4:1) ўтказиб юборди, бироқ кечаги машғулотларда «Реал»нинг умумий гуруҳида иштирок этди. Эслатиб ўтамиз, Мбаппе декабрь ойида тизза бойламларини чўзиб олган эди.

The Athletic берган маълумотга кўра, ҳужумчи консерватив даволаниш жараёнини ўтамоқда. «Реал»да Мбаппенинг ҳолати яхшиланишда давом этишини кутишмоқда, гарчи у ҳали ҳам ноқулайлик сезаётган бўлса-да. Клуб тикланиш режасини ўзгартиришга зарурат кўрмаяпти.