Қишки трансфер ойнасида «Арсенал»дан кўчиб ўтган украиналик футболчи «Аякс»нинг асосий таркибидаги илк ўйини бошидаёқ тиззасидан жароҳат олди. Бугун Нидерландия клуби Зинченко мавсум якунига қадар сафдан чиққанини маълум қилди.
Фабрицио Романонинг хабарига кўра, ҳимоячи 6-7 ойни ўтказиб юборади. Шу тариқа, агар Украина терма жамоаси турнирнинг финал босқичига йўл олса ҳам, Александр ЖЧ-2026’да иштирок эта олмайди.
ЖЧ-2026 саралашининг ўтиш ўйинларида украиналиклар Швеция жамоаси билан тўқнаш келишади. Ғалаба қозонилган тақдирда, улар Польша — Албания жуфтлиги ғолиби билан ўйнайди.
