Лондоннинг «Арсенал» клуби «Интер»нинг 20 ёшли ҳужумчиси Себастьяно Эспозито трансфери бўйича таклиф юбориши мумкин. Бу ҳақда футбол инсайдери Николо Скира хабар бермоқда.
Журналистнинг таъкидлашича, «канонирлар» скаутлари А Серия доирасидаги «Интер» ва «Ювентус» ўртасидаги учрашувда ҳозир бўлишган. Милан клуби 3:2 ҳисобида ғалаба қозонган баҳсда Эспозито 66-дақиқада захирадан майдонга тушди ва орадан 10 дақиқа ўтиб жамоасини ҳисобда олдинга олиб чиқди.
Эспозито 2025 йилда «Специя»дан «Интер»га ўтган эди. Ҳужумчи клуб сафида 32 та ўйин ўтказиб, 6 та гол урди ва 6 та голли узатмани амалга оширди.
