Бекободнинг "Металлург" клуби ҳимоячиси Владимир Бубаня 15-рақамни танлашга қарор қилди.
Таъкидлаш лозим, 2017/18 йилги мавсумда ОКМК сафида Ўзбекистонда дебют қилган футболчи аксарият жамоаларида шу рақамда тўп тепган.
Сербиялик тажрибали ҳимоячи янги мавсумда бекободликлар сафида ҳам айнан 15-рақам остида ҳаракат қилади.
Маълумот учун, "Металлург"да 2023/24 йилги мавсумда Азизбек Пирмуҳаммедов 15-рақамда ҳаракат қилган. Ундан аввалроқ эса яна бир ҳимоячи Аббос Отахонов ушбу рақамга эгалик қилган. Шунингдек, клуб тарихида ўчмас из қолдирган ҳужумчи Зоҳид Абдуллаев узоқ йиллар шу рақамда тўп тепганини мухлислар яхши билишади.
