«Манчестер Юнайтед» раҳбарияти ёзги трансфер ойнаси учун асосий стратегияни белгилаб олди. Клуб эндиликда инглиз Премьер-лигасида ўзини кўрсата олган футболчиларни сотиб олишга урғу беради.
The Touchline нашрининг ижтимоий тармоқлардаги хабарига кўра, «Юнайтед» мутасаддилари Брайан Мбемо ва Матеус Кунья трансферларини муваффақиятли мисол сифатида кўришмоқда. Ушбу ҳужумчилар «Брентфорд» ва «Вулверхэмптон»даги самарали ўйинларидан сўнг манкунианликлар сафига келиб қўшилган эди.
Маълумот учун:
Брайан Мбемо 2025 йил 21 июлда «МЮ» аъзосига айланган.
Матеус Кунья эса 2025 йил 12 июнда £ 62,5 млн (€ 74 млн) эвазига трансфер қилинган.
Айни дамда АПЛнинг 26 туридан сўнг Майкл Кэррик шогирдлари 45 очко билан 4-ўринни эгаллаб турибди. Жамоа навбатдаги учрашувини 23 февраль куни сафарда «Эвертон»га қарши ўтказади.
