"Бавария" ярим ҳимоячиси Леон Горецка "Байер" қизиқишлари доирасига тушди. "Доришунослар" 31 ёшли футболчида майдон марказининг янги етакчисини кўришмоқда – илгари Гранит Жака шундай ролни бажарган эди. Леверкузенликлар аллақачон Горецканинг вакилларига мурожаат қилишди ва футболчи бу имкониятни кескин рад этмади, бироқ у Англия Премьер-лигасига ўтиш вариантини афзал кўрмоқда, деб хабар бермоқда "Sport Bild". Қишда Лондоннинг "Тоттенхэм" ва "Арсенал" клублари футболчига қизиқиш билдирган эди.
Эслатиб ўтамиз, Леон Горецка жорий мавсум якунидан сўнг эркин агентга айланади – муддати тугаётган шартнома узайтирилмайди. Хавбек 2018 йилдан бери "Бавария" шарафини ҳимоя қилиб келмоқда.
