Чемпионлар лигаси плей-офф босқичининг илк тўқнашувида Дортмунднинг «Боруссия» клуби ўз майдонида «Аталанта» устидан 2:0 ҳисобида ғалаба қозонди. «Арилар» таркибида Серу Гирасси гол ва голли узатма муаллифига айланди.
Учрашув якунланганидан сўнг, мезбонлар устози Нико Ковач Гвинеялик ҳужумчининг ўйинини баҳолади.
«Серу гол урди ва голли узатмани амалга оширди. Биз ундан айнан шундай ўйин кутамиз. Гирасси жамоадошлари билан ажойиб тарзда ҳамкорлик қилди», — дея мураббийнинг сўзларини келтирмоқда УЕФА матбуот хизмати.
«Аталанта» ва Германия топ-клуби ўртасидаги жавоб баҳси келаси ҳафта Бергамода бўлиб ўтади. Ўйин Тошкент вақти билан соат 01:00 да бошланиши режалаштирилган.
