«Барселона» ҳимоячиси Алехандро Бальде Англияга кўчиб ўтиши мумкин.

«TEAMtalk» нашри берган маълумотларга кўра, «Манчестер Юнайтед» испаниялик футболчини ўз сафига қўшиб олишга қизиқиш билдирмоқда. «Қизил иблислар» Бальдени чап қанот ҳимояси учун асосий трансфер мақсади сифатида кўришмоқда. Яқин вақт ичида «МЮ» ҳимоячининг трансфери бўйича 40 миллион евро миқдоридаги дастлабки таклифни юбориши мумкин.

Алехандро Бальде «Барселона» тарбияланувчиси ҳисобланади. Унинг «кўк-анорранглилар» билан амалдаги шартномаси 2028 йилнинг 30 июнига қадар мўлжалланган. Жорий мавсумда ҳимоячи барча мусобақаларда 32 та ўйинда майдонга тушиб, учта голли узатмани амалга оширди. «Transfermarkt» портали Бальденинг қийматини 60 миллион еврога баҳоламоқда.