Лига 1даги кетма-кет учта мағлубиятдан сўнг "Ренн" бош мураббий Хабиб Бейени истеъфога чиқарган эди. Шундан сўнг, ёшлар жамоаси мураббийи қўл остида "қизил-қоралар" сенсацион тарзда "ПСЖ"ни 3:1 ҳисобида мағлуб этишди.
Чоршанба куни "Ренн" янги бош мураббий номини эълон қилди — жамоани Франк Эз қабул қилиб олди. 54 ёшли мутахассис 2027 йилнинг ўрталаригача мўлжалланган меҳнат шартномасига имзо чекди.
Бунга қадар Эз бир қанча Франция жамоаларида, хусусан, "Ланс" ва "Ницца" клубларида фаолият юритган.
Ҳозирда "Ренн" Франция чемпионати турнир жадвалида олтинчи ўринни эгаллаб турибди. Жамоа ўзининг навбатдаги ўйинини 22 февраль куни сафарда "Осер"га қарши ўтказади.













