"Бавария" устози Венсан Компани ўзининг футболчилик фаолиятидаги энг яхши мураббий ким бўлганини айтди.
"Мен қўл остида ўйнаган энг яхши мураббий, шубҳасиз, Гвардиола эди. У менинг футбол ҳақидаги тушунчаларимни кенгайтирди. Мен ҳамма нарсани Пеп каби қилишга интилмайман. У бошқача, у энг зўри эди. Мен бирга ишлаган ҳар бир мураббийдан маълум нарсаларни ўзлаштирганман. Манчини, Хуб Стивенс ҳам яхши намуна бўла олишган — ўз тарихингни ёзиш учун ҳар бир мураббийдан нимадир оласан", — деди Компани матбуот анжуманида.
Венсан Компани 2016 йилдан 2019 йилгача "Манчестер Сити"да Хосеп Гвардиола қўл остида тўп сурган. Ушбу давр мобайнида бельгиялик ҳимоячи Англияда икки бор чемпионликни, иккита Англия лига кубогини, шунингдек, Англия кубоги ва Англия суперкубогини қўлга киритган.
