«Барселона» ҳужумчиси Ҳамза Абдулкарим ҳалигача жамоада майдонга тушиш ҳуқуқини қўлга кирита олмади.

Каталония гранди мисрлик футболчини Қоҳиранинг «Ал-Аҳли» клубидан кейинчалик сотиб олиш мажбурияти билан ижарага олган эди. Келишув февраль ойи бошида амалга оширилган бўлса-да, 18 ёшли футболчи ҳалигача Испанияда ишлаш учун рухсатнома олгани йўқ. Mundo Deportivo нашри берган маълумотларга кўра, «Барселона» муаммонинг ҳал бўлиши яна узоқ вақт талаб қилишидан хавотирда. Ҳозирча футболчи «кўк-анорранглилар»нинг иккинчи жамоасида (уни айнан шу ерда синаб кўриш режалаштирилган эди) қачон дебют қилиши номаълум бўлиб қолмоқда.

Миш-мишларга кўра, Ҳамза Абдулкаримни сотиб олиш «Барселона»га 5–8 миллион еврога тушиши мумкин. Ушбу трансферга қадар ҳужумчи «Ал-Аҳли» сафида тўққизта учрашувда майдонга тушишга улгурган эди.