«Барселона» президенти Жоан Лапорта Испания футболидаги ҳакамлик мавзусида очиқчасига фикр билдирди.

«Биз ёмон ўйин кўрсатсак, ҳакамлар бизни бутунлай "йиқитишга" ҳаракат қилишади, бошқаларда [Мадриднинг «Реал» клуби назарда тутилмоқда] муаммо бўлса — уларга ёрдам беришади. «Реал» футболчилари сузишни аъло даражада ўрганиб олишган. Улар профессионалларча бассейнга шўнғишади», — дея Лапортанинг сўзларини келтиради Managing Barca.

«Барселона» охирги икки ўйинда мағлубиятга учради: аввал Испания Кубоги ярим финалида Мадриднинг «Атлетико»сига (0:4), сўнгра Ла Лигада «Жирона»га (1:2) имконият бой берилди. Иккала ҳолатда ҳам ҳакамлик билан боғлиқ можаролар кузатилди.

Якшанба куни Ханс-Дитер Флик шогирдлари «Леванте» билан куч синашади.