«Барселона» марказий ҳимоячиси Пау Кубарси клубнинг Хулиан Альварес ва Алессандро Бастонига бўлган қизиқиши ҳақида ўз фикри билан ўртоқлашди.

Мадриднинг «Атлетико» ҳужумчиси ва Миланнинг «Интер» марказий ҳимоячиси «кўк-анорранглилар»нинг трансфер мақсадлари қаторида қайд этилган, бироқ каталонияликларнинг молиявий қийинчиликлари сабабли улардан ҳатто бирини қўлга киритиш ҳам ниҳоятда мушкул бўлади.

«Альвареснинг трансфери? Хулиан — топ-футболчи, дунё даражасидаги ҳужумчи. Мен унга қарши ўйнаганман. У «Барселона» талабларига тўлиқ жавоб беради деб ҳисоблайман.

Бастони — ажойиб ҳимоячи. Мен унинг ўйинларини бир неча бор кўрганман ва барчамиз у нималарга қодирлигини биламиз. Лекин ҳаммаси клубга боғлиқ», — дея «Barca Universal» Кубарсининг сўзларидан иқтибос келтиради.

Transfermarkt портали Альварес ва Бастонининг нархини мос равишда 100 ва 80 миллион еврога баҳоламоқда.